Daniel 10
Daniel in Pasal khat Mangin Mu
1Persia kumpipa Cyrus kumpi a suah zawh kumthumna kumin (Belteshazzar zong a kici) Daniel tungah kilaakna khat a tung hi. Tua thu kipuak thumaan hi-a, gal ▼▼10.1 Ahikeh thuman le a vangikhuai
lianpi tawh kisai ahi hi. Tua thu teng a theihtel nadingin mangmuhna khat a tungah tung hi. b 2 Tua hunin keimah Daniel nipi thum sung ka thum hi. 3An lim ka ne kei hi; sa le zu ka mukah ka tah kei hi; nipi thum sung khit mateng kizutna ka zang peuhmah kei hi. c 4 A kha masa ni sawm nih le li ni-in tua gunpi lian Tigris gei-ah ka dinkawmin, 5ka dakto a ka mai-ah saihadial puan silhin a kawngah kham hoih pente konggak gak-a om pasal khat ka mu hi. 6A pumpi chrysolite tawh kibangin a maitang khuaphialep tawh kibanga, a mitte meisel kuanglai bangin, a bante le a khete sumngo nawtngilsa bangin tee a, a aw mihonpi pau a bang hi. 7 Keimah Daniel guak in tua mangmuhna ka mu hi; ka ompihte in a mu kei uh hi; ahi hangin tua a lauhuai hangin amaute linglawng uh a tai-in a bu uh hi. 8Tua ciangin kei kia hong kinusia a, hih a thupi mangmuhna ah kei kia bekin ka en gega hi. Ka tha hawmgawp a ka maitangah si teng loin daanga ka cimawh gawp hi. 9Tua ciangin ama pau za a, a thugen ka ngaih kawmin; lei ah ka khupbawhsa in ka ihsip hi. d 10 Khut khat in kei hong lawngin ka khut le ka khukte kilingsak hi. 11Amah in, “Hong kipingaihsut mahmah Daniel aw, nang tunga kong gen ding thute limtakin ngaihsun inla dingto in, nang kiangah kei hong kisawl hi,” hong ci hi. Hih thu kei tungah hong gen ciangin ling kauhkauhsa in ka dingto hi. 12 Tua ciangin a thugen zomlai a, “Daniel aw, lau kei in. Pasian mai-ah kiniamkhiat ding le theihtel nopna lungsim neih na sawm masak pen ni-a kipan na kammalte hong kiza zo ahi manin tuate dawng kik dinga hong pai ka hi hi. 13Ahi hangin Persia-te kumpi gam-ukpa in ni sawmnih le khat sung hong dal hi. Tua ciangin kei hong huh dingin ukpi lakah khat ahi Michael hong kuan hi, bang hang hiam cih leh Persia kumpipa kiangah ka tham niloh hi. 14Tu-in na mangmuhna mailam hun tawh kisai ahi manin, mailam hun ciangin na mite tungah bang thu piang lai ding hiam cih a hilhcian dinga hong pai ka hi hi,” hong ci hi. e 15 Hih thu kei tungah hong gen laitakin pau thei loin leilam nga-in ka kun dedu hi. 16Tua ciangin mi khat ▼▼10.16 Masoretic Bupi khutgelh a tampen; Masoretic Bupi khutgelh khat, Si Tuipi Laizial le Septuagint ah Tua ciangin pasal khut tawh a kibang na khat in
tawh a kibang pa in ka muk hong lawnsak a, ka kam ka-in thu ka gen hi. Ka mai-a dingpa kiangah, “Topa aw, ka mangmuhna in ka pumtangin hong zen ahi ciangin ka cih nading ka thei kei hi. 17Na nasempa keimah nang tawh bangci kiho theih ding ka hi hiam, topa aw? Ka tha khempeuh bei-in a nak zo liailiai bek ka hi hi,” ka ci hi. g 18 Mi khat tawh a kibang tuapa in kei hong lawng kika tha hong guan hi. 19“A kithupi sim mahmah mipa aw, lau kei in, lungnuam in! Kihatsak in; tu-in kihatsak in,” hong ci hi. h Amah in kei hong hopih ciangin ka tha hat a, “Nong hatsak khin hi topa aw, thu hong gen ta in,” ka ci hi. i 20 Tua ciangin, “Nang kianga kong paina ahang na thei hiam? Persia gam-ukte sim dingin ka kileh kik pah dinga, ka pai ciangin Greek-te gam-ukpa hong pai ding hi; 21ahi hangin a masapenin thumaan Laibu sunga kigelh thu kong gen ding hi.
Copyright information for
ZomZIV